Sentâbrniñ 19-na keçer gecesi Rusiye ordusı Cenübiy Ukrayına atom stantsiyasına raketalar endirdi, raketa nükleer reaktorlarından 300 metr mesafede tüşti, dep bildirdi «Energoatom» Ukrayına devlet müessisesi.
«Küçlü patlav Cenübiy Ukrayına atom elektrostantsiyasınıñ reaktorlarından 300 metrde oldı. Darbe dalğası atom elektrostantsiyasınıñ binasına zarar ketirdi, 100-den çoq pencere qırıldı. Cenübiy Ukrayına energokompleksine kirgen Aleksandr gidroelektrostantsiyasınıñ gidroagregatlarından biri söndi. Üç yüksek voltli elektrik hattı söndi», – dep aytıla haberde.
«Energoatom» Cenübiy Ukrayına atom elektrostantsiyasınıñ üç energobloku çalışa, dep qoştı. Hadimler arasında zararlanğanlar yoq.
«Raşistlerniñ nükleer terrorizmi bütün dünyanı telükege oğrata. Yañı felâketke yol bermemek içün olarnı acele toqtatmaq kerek», – dep qayd etti devlet agentligi.
Ukrayına akimiyeti Rusiye quvetlerini işğal etken Zaporijjâ atom elektrostantsiyasına ateş açqanında qabaatladı, Rusiye tarafı qabaatlavlarnı red etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
