Lvivde merkeziy Rınok meydanından Rusiyeniñ Ukrayinağa keñiş mıqyaslı istilâsı neticesinde ölgen balalarnıñ sayısını köstergen 109 boş bala arabaçığı qoyuldı. Bunı Azatlıq Radiosınıñ mühbiri haber etti.
Boş bala arabaçıqları ve bala oturğıçları ile Lviv sakinleri bugün Ukrainanıñ şeer ve köyleriniñ soqaqlarında bu qadar balanıñ yaşap keze bilecegini köstermek istediler.
"Tünevin bu aktsiya içün plakatlar basqanımızda 108 öldürilgen bala edi. Bugün endi 109. 109 bala cenkniñ qurbanı oldı. Ne qadar 109 olğanını körmek içün 109 bala arabaçığını taptıq. Amma teessüf ki, dünya siyasetçileri Rusiyege qarşı sanktsiyalarnıñ tetbiq etilecegi aqqında davalaşqanda, olar ölip, Ukrainanıñ semasını qapatalar", - dedi Lvivli Svetlana Blinova, altı yaşındaki qızçıqnıñ anası.
Ukraina İç işler naziriniñ mesleatçısı Anton Geraşçenko, saba Lvivde patlav sesleri eşitilgenini bildirdi. Lviv şeer başı Andriy Sadovoy, Rusiye raketelarnen darbe endirgenini qayd etti.
Fevralniñ 24-nde saba saat 5-te Rusiye prezidenti Vladimir Putin «DNR» ve «LNR» gruppirovkalarınıñ «muracaatından» soñ Donbasta «mahsus operatsiya» başlatqanını ilân etti. Bundan soñ Kyiv, Harkiv, Odesa, Kramatorsk, Berdânskta patlav ve raketa darbeleri aqqında haber etildi.
Ukraina prezidenti Volodımır Zelenskıy umumiy seferberlik buyruğını imzaladı. Ğarp memleketleri Ukrainağa yapılğan ücüm sebebinden Rusiyege qarşı yañı sanktsiyalarnı qullanıp başladı.
Doğrudan ücümge baqmadan, Kreml Ukraina işğali niyetini inkâr ete. Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire.
Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire. Başta Rusiye arbiyleri ölgenini inkâr ettiler. Amma fevralniñ 27-nde Rusiye Federatsiyası Mudafaa nazirliginiñ resmiy vekili İgor Konaşenkov Ukrainada ölgen ve yaralanğan Rusiye askerleri bar, dep ayttı. Sayısını aytmadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
