Rusiye vatandaşlarınıñ 16 faizğa yaqını üçünci cian cenkiniñ başlaycağından qorqa. «Levada-Tsentr» devletten tış teşkilâtı tarafından keçirilgen soñki içtimaiyat tetqiqatı böyle neticeler berdi.
Teşkilântıñ malümatına köre eki yıl evel Rusiyede böyle adamlarnıñ sayısı eki qat az edi.
2016 senesinde Ukraina halq deputatı Nadejda Savçenko, «Qırımnıñ Rusiye tarafından ilhaq etilmesi neticesinde üçünci cian cenki başlamaq mümkün», degen edi.
Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini taqbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini red etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevral 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.
