2019 senesi yanvar 1-inden Qırımda gaz fiyatı köterilecek dep bildire yarımadanıñ Devlet fiyatlar komiteti.
Beyanatqa köre, 2019 senesi yanvar 1-inden, aş pişirüvi, suv qızdırması ve ev isitmesine yılına 3500 metr kubdan azca qullanılğan gaznıñ fiyatı - bir biñ metr kub içün 4 827,08 ruble, 3500 kub metrden ziyadece qullanılsa - 8 627,48 ruble. Evel tarif -3,9895 ruble edi.
Bundan soñ, gaz 2019 senesi iyül 1-inde paalılaşacaq.Yılına 3500 metr kubdan azca qullanılğan gaznıñ fiyatı - bir biñ metr kub içün 5 187,11 ruble, 3500 kub metrden ziyadece qullanılsa - 8 652,71 ruble olacaq.
Daa evel bildirile edi ki, 2019 senesiniñ devamında rusiye akimiyeti yarıq ve suv fiyatını köterecek.
