Oktâbr 29, bazarertesi künü, tamir işleri keçirilmesi sebebinden Aqmescitniñ bir qaç soqağında suv olmacaq. Bunıñ aqqında “Voda Krıma” müessisesi haber etmekte.
Hususan, Topolevaya, Lesnaya, Griboyedova, Sadovaya soqqaqlarında saat 9:00-dan 17:00-gece suv teminatı sıñırlanacaq.
Bundan ğayrı, Çehova, Nijnegospitalnaya, Poligonnaya, Krasnoznamennaya, Krasnoarmeyskaya, Krılova, Malofontannaya, Krımskaya, Sergeyeva-Tsenskogo, Artilleriyskaya, Perevalnaya, 8 Marta,Turetskaya,Sevastopolskaya (qısmen Kozlova soqağınace) soqaq ve aralıqlarında da saat 9:30-dan saat 14:00-kece suv olmaycaq.
Daa evel Aqmescit şeeriniñ qırq soqağı ve Aqmescit rayonınıñ ondan çoq köyü bir kün devamında suvsız edi.
Ukraina Qırımnıñ suv ihtiyaclarınıñ 85%-ını qarşılağan edi. Şimal-Qırım kanalı Dnipro ve yarımadanı bağlağan esas yol edi. 2014 Seneki Rusiye Qırımnı işğal etken soñ yarımadağa suv berilmey qaldı.
