Link açıqlığı

Saatnıñ esas haberi

“Ukraina deñizcilerine serbestlik”: Lefortovo mahkemesiniñ yanında bir kişilik narazılıq


Zapt etilgen ukrain deñizcilerge bir kişilik qoltutuv piketi

Aprelniñ 17-sinde ukrainalı deñiz askerleriniñ tevqif müddetini uzatuv meselesi baqqan Moskovanıñ Lefortovo mahkemesiniñ yanında bir kişilik qoltutuv piketi keçirile.

Rusiye cemaat faalcisi Said Tangri mahkeme yanına “Ukraina deñizcilerine azatlıq” yazısınen çıqtı. Bu aqta Qırım.Aqiqatqa başqa faalci Konstantin Kotov haber etti.

Moskvanıñ Lefortovo mahkemesi aprelniñ 17-nde 2018 senesi noyabrniñ 25-nde Qara deñizde Rusiye tarafından tutulğan ukrainalı deñiz askerleriniñ tevqif müddetini uzatuv meselesini baqmaqta.

Хронология кризиса в море (видео)
Bekleñiz, lütfen

No media source currently available

0:00 0:02:03 0:00

Noyabrniñ 25-nde Rusiyeniñ sıñır gemileri Odesa limanından Azaq deñizinde Mariupolge keçken Ukraina Arbiy deñiz quvetleriniñ gemilerine qarşı «açıq istilâiy areketler» kerçekleştirdi. Rusiyeniñ «Don» sıñır kateri Ukraina Arbiy deñiz quvetleriniñ «Yañı Qapu» reyd buksirine aselet çarptı.

Rusiye FSBsi Ukraina gemilerine qarşı silâ qullanğanını tasdıqladı, mında berilgen malümatqa köre, üç Ukraina cenk gemisi noyabrniñ 25-nde «Rusiye devlet sıñırından qanunsız keçti».

Aqmescit ve Keriç mahkemeleri 24 Ukraina deñizcisini apiske aldı. Olar 2019 senesi yanvarniñ 25-ne qadar apiste qalacaqlar. Ukraina deñizcileri 6 yılğa azatlıqtan marum qala bile. Qırım yalısında zapt etilgen Ukraina deñizcileri noyabrniñ 27-nde Rusiye Ceza kodeksiniñ 322-nci maddesiniñ 3-ünci qısmına istinaden (sıñırdan qanunsız keçiş) qabaatlandı. Esir alınğan Ukraina askerleri Moskvağa avuştırıldı.

Qırım Muhtar Cumhuriyetiniñ prokuraturası Rusiye FSBsi tarafından zapt etilgen ukrain deñiz askerlerini cenk esiri dep tanıdı.

Rusiyeniñ Keriç boğazında yapqanlarını bir sıra Avropa memleketi ve ABD tenqit eteler. NATO, vaziyetni ve Keriç boğazındaki adiselerni diqqatnen közetkenini bildirip, ağır-sabırlı olmağa ve vaziyetniñ daa beterine yol açmamağa çağırdı.

XS
SM
MD
LG