Moskovada Rusiye Yuqarı mahkemesi yanında tutılıp alınğan qırımtatarlardan birisi Rustem Tairov, Rusiye Memuriy Kodeksiniñ 20.2 maddesiniñ 5 qısmına köre qabaatlı tanıldı ve 20000 rublelik para cezasını aldı.
Bu aqta Qırım.Aqiqat mühbiri bildire.
Bu qararnı iyülniñ 29-ında Moskovanıñ Tagan rayonınıñ mahkemesiniñ mahkemecisi Yuliya Smolina berdi. Oturış devamında o, şaatlar - Rusiye polisiniñ hadimleri olğan Vadim Komarov ve Vladislav Soloniçevni ve qabaatlav tarafınıñ vekillerini çağırmağa mudafaa ricasını inkâr etti.
Bundan ğayrı, Tairovnıñ advokatı Konstantin Andreyev qayd etkeni kibi, mahkemeci, memuriy cinayetniñ "hatalı hasiyetlev"ine diqqat ayırmadı: Tairov qail olunğan merasimniñ nizamını bozğanınen qabaatlana, amma o iç bir merasimde iştirak etmedi.
