Dekabrniñ 6-nda, Moskova mahkemesi, Yuqarı İqtisadiyat mektebiniñ talebesi Yegor Jukovnı qabaatlı tanıp, üç yıllıq şartlı cezağa maküm etti, bildire "Nastoyaşçeye Vremâ" saytı.
Mahkemecige köre, mabüsi Yegor Jukov ekstremist faaliyetine açıq davet ete edi.
Jukovğa eki yıl devamında saytlar idarecisi olıp çalışmağa ve buña oşağan işlernen oğraşmağa yasaq etildi. Evde tevqifli olmaq kibi sıñırlama tedbiri lâğı etildi.
Jukovğa qol tutmaq içün mahkeme yanına Yuqarı İqtisadiyat mektebiniñ prorektorı Valeriya Kasamara, rap yırcısı Oxymoron, "Novaya Gazeta"nıñ bas muarriri Dmitriy Muratov keldi.
Cinayet davası Jukov Youtubeğa yerleştirgen filmçikler içün açıldı. O, daa avgustnıñ başında iyülniñ 27-nde Moskva merkezinde kütleviy nizamsızlıqlarda iştirak etkeni içün yaqalanıldı.
Yegor Jukov öz qabaatını tanımadı. Prokuror Jukov içün 4 yıl apis cezasını istedi.
