Eski Qırım orman müdirliginiñ Kefe (Feodosiya) qısmında tünevin 750 metr kvadratr mıntaqada yapraq-pıtaqlar yandı, dep yaza Rusiye FVN-niñ Qırım idaresi.
Beyantqa köre, yanğın aqqında iyün 18-inde saat 17:46 haber etildi, yanğınnı 22:17 söndürdiler.
“Umumen yanğın söndürilmesine 11 adam ve 3 maşna celp etildi”, - denile beyanatta.
İyün 14-ünde Eski Qırım orman müdirliginde ormanda yerge tüşken yapraq-pıtaqlar yanıp başlağan edi. Yanğın 1,15 gektarnı qaplap aldı. Ateşni söndürmek içün orman müdirliginiñ hadimleri celp etildi.
Rusiye FVN-niñ Qırm idaresiniñ malümatına köre, büyük yanğın telükesi sebebinden böyle şeyler yasaq: quru ot yanında, ormanda tereklerniñ yanında ateş yaqmaq, manğal qullanmaq, açıq ateşi olğan tertibatnı qullanmaq; ateşni baqılmaz qaldırmaq; sigaret içmek, yanğan sernik ve sigaret tüplerini atmaq; pirotehnik şeylerni qullanmaq.
