AQŞ Maliye Nazirligi, Rusiyege qarşı sanktsiyalarını keñleştirgenini bildire. "Suriyede faaliyet köstergen Rusiye ordularına aviatsiya yaqıtınıñ teminatını qolaylaştırmaq içün yaratılğan shemalarda iştiragi içün", cedvelge beş gemi, bir şirket ve üç şahıs kirsetildi.
Bunı Amerika müessisesiniñ matbuat hızmeti bildirmekte.
Beyanatqa köre, sanktsiyalar altına Rusiyeniñ "Maritime Assistance" şirketi ve onıñ üç hadimi tüşti. Maliye Nazirligi, bu şirketniñ "Sovfraxt" şirketine alâqası bar olğanını bildire.
Şirket vekilleri ve sanktsiyalar astına tüşken şahıslar vaqianı daa tefsir etmedi.
AQŞ Maliye Nazirligi, Amerika akimiyetiniñ malümatına köre, Suriye ükümetine aqça bermesinde ve cermay teminatında iştirak etken şahıslar ve şirketlerge qarşı ara-sıra sanktsiyalar kirsete.
