Ukraina akimiyeti, 2018 senesi Qırımda Putin saylavlarında “közetici” olğan 13 memleket vatandaşından ibaret olğan sanktsiya cedvelini azırladı.
Bu aqta Twitter saifesinde vaqtınca işğal etilgen topraqlar ve devlet içinde mecburen köçken şahıslarnıñ meseleleri (VİTN) boyunca nazir Vadim Çernış yazdı.
“Bugün VİTN teklifinen akimiyet daa bir müim qararnıaldı. Biz Qırımda Putin saylavlarında “közetici” olğan 13 memleket vatandaşından ibaret olğan sanktsiya cedvelini azırladıq”, - denile beyanatta.
Rusiye ve ilhaq etilgen Qırımda 2018 senesi mart 18-inde prezident saylavları keçti. Resmiy Kyiv ve bir sıra halqara teşkilâtlar yarımada saylavlarını qnunsız saya.
Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.
