Bayram ve raatlıq künleri, martnıñ 7-sinden 10-una qadar Rusiye Fevqulâde Vaziyetler Nazirliginiñ Qırım idaresiniñ bütün quvetleri küçlendirilgen rejimde çalışacaq, haber ete müessiseniñ matbuat hızmeti.
Qayd etilgeni kibi, "KRIM-SPAS"nıñ Aqmescit, Aluşta, Yalta, Qarasuvbazar, Bağçasaray, Kefe ve Sudaq taqımları, turistler ziyaret etken dağ-orman mıntaqada nevbetçilikni teşkil etti:
"Yardım etmek içün qurtarıcılarnıñ bütün kerekli aletleri bar: radio stantsiyaları, alpinist donatmaları, dürbinler", - denile beyanatta.
Martnıñ 4-ünde Simeiz qasabasında Rusiyeden kelgen turist Cıva qayasından deñizge yıqıldı.
Daa evel Yaltada dalğa aqaynı pirsten deñizge alıp ketti. Furtunalı ava sebebinden onıñ qurtarıp olamadılar.
