Qırım ressamı, qum animatsiyasınıñ ustası Kseniya Simonova, Yelizaveta Glinkanıñ hatırasına yañı işini bağışladı. Bu aqta Simonovanıñ matbuat hızmeti bildirmekte.
“Eki yıl evel Soçi yanında acayip insanlarnı bizden ebediyen ayırğan uçaq qazası yüz berdi. Olarnıñ arasında Yelizaveta Petrovna Glinka, Doktor Liza da edi. Boris Grebenşikovnıñ muzıkasına Kseniya Smirnovanıñ filmi, 2016 senesi dekabr 25-inde Qara deñiz üzerinde uçaq qazasında elâk olğan hayriyetçi, cemaat erbabı Yelizaveta Glinkanıñ (1962-2016) ömür ve ölümini tasvirley”, - denile beyanatta.
Çeküvlerde Qırım balaları, Kezlevniñ (Yevpatoriya) küçük sakinleri, İlia peyğamberiniñ kilsesi yanındaki Diniy mektepniñ talebeleri iştirak etti.
Kseniya Simonova – qum animatsiyasınınñ ustası, «Ukraina maye talant-2009» yarışınıñ ğalibi, «Minuta slavı-2010» Rusiye yarışınıñ finalisti. 2010 senesi «Qırım Muhtar Cumhuriyetiyeniñ nam qazanğan ressamı», 2013 senesi – «Ukrainanıñ nam qazanğan medeniyet erbabı» unvanlarınıñ saibi oldı.
