Aqyarda eki patlav eşitildi, dep haber ete Qırım.Aqiqat mühbiri. Bundan bir qaç daqqa evel şeerde ava telükesi ilân etildi.
Qayd etilgenine köre, bu qadar küçlü patlavlar çoqtan olmadı. Olar şeerniñ farqlı köşelerinden eşitildi.
Cemaat yayınlayıcısı "Suspilne"niñ qayd etkenine köre, patlavlar şeerde havfsızlıq ilân etilmezden evel eşitilgen. Amma olar ava mudafaasınıñ işlerine oşamay edi.
Bir çoq telegram kanalı Gvardeyskoyede zarar körgenleri aqqında yaza, amma bu malümat tasdıqlanmadı. Krımskiy veter kanalı derc etken qara dumanlı fotoresimden ğayrı başqa bir şey yoq.
Bundan ğayrı, yerli telegram kanalları Rusiye ava mudafaasınıñ Kezlev ve Saq rayonındaki işi aqqında yazalar. Bir sıra yayınlar yarımadağa Storm Shadow raketaları ile ücüm etilgenini iddia ete.
Daa evel Ukrayina Mudafaa nazirliginiñ Baş istihbarat idaresiniñ yolbaşçısı Kırılo Budanov Qırımdaki işğalci quvetler içün "yañı sürprizlerni" ilân etti ve Keriç köpründen vatandaşlarğa faydalanmamağa tevsiye etti.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
