Link açıqlığı

Saatnıñ esas haberi

Aqyarda patlavlar oldı


Aqyarda noyabrniñ 17-nde patlavlar oldı, dep haber ete Qırım.Aqiqat mühbiri.

Onıñ malümatına köre, saat 15:28-de Aqyarnıñ merkeziy qısmında ava mudafaa sistemasına oşağan bir patlav eşitildi.

Saat 15:43-te Aqyarda uzaqtan daa dört küçlü ses eşitildi, olar Rusiye arbiyleriniñ poligondaki azırlıqta atış seslerine oşadı.

«ÇP/Sevastopol» Telegram kanalı şeerde patlav sesi olğanını tasdıqlay. Tafsilâtlı malümat yoq.

Qırım.Aqiqat mühbiri bildirgenine köre, saat 13:19-da Aqyarda küçlü bir ses eşitildi.

Rusiye akimiyeti bu haberlerni izaatladı.

Noyabrniñ 16-nda Aqyar sakinleri şeerde küçlü patlavlar olğanını şikâyet etti. Şeerniñ Rusiye yolbaşçısı Mihail Razvojayevniñ haber etkenine köre, bu Rusiye Qara deñiz flotunıñ talimleri ve sirena teşkerilüvinen bağlı edi.

Aqyarda noyabrniñ 27-ne qadar «sarı» terror telükesiniñ seviyesi uzatıldı. O, Aqyarda Rusiye Qara deñiz flotunıñ ştabına «uçucısız ücüm etken» soñ kirsetildi.

Aqyardan ğayrı, «sarı» seviye Qırımnıñ şimalinde, Keriçte ve Yedi Quyu rayonında, Qırımnıñ Rusiye nazirligi obyektlerinde devam ete.

Avgustnıñ soñunda Aqyarda işğal altındaki yarımadada olğan patlavlar sebebinden sığınaqlar teşkerilip başlandı. Aqyarnıñ Rusiye yolbaşçısı Mihail Razvojayev şeerde mağaz ve sığınaqlarnıñ 82%-ı temizlendi, dep bildirdi.

Oktâbr ayında Aqyarnıñ eski evlerinde sığınaq malümatları tarqatıldı. Yerli sakinlerniñ malümatına köre, mağazlar insanlarnı qabul etmege azır degil.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG