Aqyarda (Sevastopol) oktâbr 21-inde bir qac soqaqta elektrik teminat olmaycaq. Bunı "Sevastopolenergo" müessisesi bildirmekte.
Beyanatqa köre, saat 9:00-dan saat 14:00-ğace böyle adreslerde yarıq olmaycaq: Nahimova caddesi, 14-16; Generala Petrova soq., 2; Mayakovskogo soq., 1-3.
Saat 9:00-dan saat 13:00-ğace böyle adreslerde yarıq olmaycaq: Balaklavskaya soq., 3-A, 3-B, 6,9; Gogolâ, 4-A; Godlevskogo soq., 13; Yaltinskaya soq., 7, 12.
Martnıñ 18-nde Rusiye prezidenti Vladimir Putin Aqyarğa keldi. O, işğal etilgen Qırımda Siemensturbinalı eki elektrostantsiyasınıñ işke başlamasını buyurdı. Videoda onıñnen beraber Tavriya issilik elektrostantsiyası ve Tamandaki «Port» alt stantsiyasınıñ mütehassısları bar edi.
2015 senesi dekabr ayından başlap, Herson vilâyetinde elektrik direkleriniñ bozulmasından sebep, Qırımğa qıtaiy Ukrainadan elektrik aqımı toqtatıldı. Şimdiki vaqıtta Qırım özü çıqarğan energiya, Rusiyeden yarımadağa ketirilgen generator ve Rusiyeniñ Krasnodar vilâyetinden keçirilgen energo köpür ile elektriknen temin etile.
2016 senesi baarde rus energoköprüniñ üçünci pıtağı işini başlağanına baqmadan, Qırımda yarıq söndürmeleri devam etmekte. 2015 senesi dekabrden başlap Herson vilâyetinde energetik tiremelerniñ bozulğanından soñ, Ukrainadan Qırımğa elektroenergiya berilmey. Şimdilik Qırım öz generatorları, Rusiye generatorları ve Kuban energoköprüniñ elektrik ağını qullana.
