Rusiye vekilleri, ukrain “Oşçadbank”ınıñ Qırım ilhaqı neticesinde coyulğan yatırımlarnıñ qaytaruv meselesi boyunca Halqara arbitraj mahkemesiniñ oturışında iştirak etmedi.
Bu aqta “Oşçadbank” hadimi İrina Mudraya Qırım.Aqiqat Radiosınıñ efirinde aytıp berdi.
“Rusiye tarafı oturışta iştirak etmedi, o kelmedi. Rusiye, ne arbitraj mahkemesiniñ resmiy talaplarına, ne de dava baqılması içün mahkeme oturışlarına çağıruvlarğa cevap berdi”, - dedi “Oşçadbank” hadimi.
O, Rusiye arbitraj mahkemesine boysunmacağı da közde tutıla, bu taqdirde halqara uquqta Rusiyeni borc tölemege mecburlacaq bir qaç usul bar dep qoştı.
“Oşçadbank” bu usullarnı qullanmağa ümüt ete. Biz “Naftogaz” kibi, Rusiye topraqlarında tış olğan Rusiye mülkiyetini tapıp, onı tevfiq etecemiz. Bu tez yapılğan şey degil. Biz añlaymız ki, bu yıllanen süre bile, amma biz azırlanamız, mecburiy tarzda mahkeme qararını yerine ketirüv usullarını talil etemiz ve yaqın vaqıtta şu qararnı eda etip başlarıq”, - dep qoştı İrina Mudraya.
Bir kün evel Parijdeki Arbitraj mahkemesi, ukrain “Oşçadbank”qa Rusiye tarafından Qırım ilhaqı neticesinde coyulğan yatırımlarnıñ qaytarmaq talabınıqabul etti.
