Rusiyeniñ Tataristan Cumhuriyetinde "Nijnekamskneftehim" zavodında patlav neticesinde eki insan elâk oldı, eñ az 72 kişi yaralandı, dep haber ete Rusiye telegram kanalları ve haber agentlikleri müessiseniñ saibi olğan "Sibur" şirketiniñ matbuat hızmetine esaslanıp haber ete.
"Alınğan malümatqa köre, adise neticesinde "Nijnekamskneftehimde" eki kişi elâk oldı. 8 kişi hastahanege alındı. Qalğan 64 insan yengil yaralarnen tibbiy yardım içün muracaat etti", – dep bildirdi şirket.
Meydanda yanğınnı söndürmege devam eteler, Rusiyeniñ Fevqulâde vaziyetler nazirliginiñ 60-tan çoq hadimi ve 19 dane tehnikası celp etildi.
Şaatlar qırılğan pencere ve himik qoqu aqqında haber ete, amma akimiyet eali içün bir telüke yoq, dep ayta.
Nijnekamsk ava limanınıñ işi "uçuşlarnıñ telükesizligini temin etmek içün" toqtatıldı – böyle sıñırlavlar uçucısız telükesi sebebinden kirsetile.
"Nijnekamskneftehim" – Tataristanda bulunğan büyük Rusiye cermay himik müessiselerinden biridir. SİBUR holdingine kire.