Qırımnı ilhaq etip, Rusiye Ukrainanen tizilgen 407 eki taraflı ve 80-den ziyade çoq taraflı añlaşmanı bozdı.
Bu aqta Ukraina haber siyaseti naziriniñ birinci muavini Emine Ceppar, iyün 3-ünde ICTV televizion kanalınıñ efirinde ayttı, dep bildire “Ukrinform” haber agentligi.
“Rusiye Qırımnı işğal etkende, Ukrainanen tizilgen 407 eki taraflı ve 80-den ziyade çoq taraflı añlaşmanı bozdı. Qırımnı işğal etip, o, bütün serbestlik kösterüvlerini yoq etti. Onıñ maqsadı ve büyük arzusı - Qırımnı Ukrainadan olduqça ayırmaq, Ukrainanı kenarda qaldırmaq ve onıñ aqqında hatıralarnı yoq etmek”, - dedi Ceppar.
