Link açıqlığı

Saatnıñ esas haberi

Britaniya istihbaratı Ukrayınanıñ qarşı ücümi devam ete, dep bildirdi


Harkiv vilâyeti, 2022 senesi sentâbrniñ 16-sı
Harkiv vilâyeti, 2022 senesi sentâbrniñ 16-sı

Büyük Britaniyanıñ Mudafaa nazirligi istihbaratnıñ malümatına esaslanıp, Ukrayına memleketniñ şimaliy-şarqında qarşı ücümni devam ettire, Rusiye ordusı ise Oskol özeni ve Svatove şeeri arasında mudafaa sıñırını qoydı, dep haber etti.

«Rusiye bu yerde kontrolni saqlap qalmaq müim dep sayadır, çünki mından Rusiye alâ daa kontrol etken esas ketirüv yollarından biri, Rusiyeniñ Belgorod vilâyetinden ketirilüvi keçe», – dep aytıla haberde.

Bundan ğayrı, bu yer Donbasnıñ bir qısmı, Lugansk vilâyetiniñ sıñır boyu keçe, Rusiye onı arbiy maqsadlarından biri olaraq «azat etmege» tırışa, dep qayd etti Britaniya istihbaratı: «Luganskta bayağı topraq ketse, Rusiyeniñ strategiyası bozulacaq».

Şunıñ içün Rusiye sıñırnı mudafaa etmege tırışacaqtır, amma «Rusiye quvetleriniñ Ukrayınanıñ ücümine dayana bilmek içün cebede yeterli yedekleri ya da yeterli maneviy küçü barmı añlaşılmay», dep bildirdi Britaniya istihbaratı.

Britaniya istihbaratı Rusiye ordusınıñ Ukrayınağa qarşı cenkke quvetlerini pekitüv problemleri bar, dep bildirdi.

Rusiye Mudafaa nazirligi sentâbrniñ 10-nda Rusiye ordusı çekilgenini aytıp, bunı «yañıdan gruppalaşuv» dep adlandırdı. Harkiv vilâyetinde Ukrayınanıñ qarşı ücümi neticesinde onlarnen mesken yer azat etildi.

Ertesi künü – sentâbrniñ 11-nde Amerika Cenkni tedqiq etüv institutı Rusiyeniñ Harkiv vilâyetinde çekilüvi, Rusiye Mudafaa nazirligi aytqanı kibi, ordularnıñ ğayrıdan gruppalaşuvı degil, aşıqa-aşıqa qaçuv ola, dep bildirdi.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG