Link açıqlığı

Saatnıñ esas haberi

Rusiye: pensiya islâatına qarşı mitinglerde biñden ziyade insan tutıldı


Sankt-Peterburgda narazılıq aktsiyası, sentâbr 9, 2018 sene
Sankt-Peterburgda narazılıq aktsiyası, sentâbr 9, 2018 sene

Pensiya islâatına qarşı mitinglerde 1018 adam yaqalandı. Bunı “OVD-İnfo” rusiye uquqqoruyıcı portalı haber etti.

Teşkilâtniñ malümatına köre, eñ çoqu Sankt-Peterburg ve Yekaterinburgda tutıldı (452 ve 183 adam).

Moskova, Sankt-Peterburg ve başqa şeerlerniñ memüriyetleri bu aktsiyalarğa qail olmadı.

Sentâbrniñ 9-ında Rusiyeniñ çeşit şeerlerinde pensiya işlâatına qarşı narazılıq aktsiyaları yapıldı. Olarnı keçirmege çağırtqan - muhalefetçi Aleksey Navalnıy edi. Muhalefet, kütleviy aktsiyalar icün bu künni sayladı, çünki tamam sentâbrniñ 9-nda Rusiyede vali, mer ve mebuslarnıñ rey berüvi keçe edi.

Moskovadaki mitingge Navalnıy da qoşulacaq edi, amma avgust ayında o narazılıq aktsiyalarınıñ keçirüvi aqqında qanunnı bozğanında qabaatlanıp, 30 künlik apis cezasını aldı. Navalnıynıñ aytqanına köre, onıñ tevqifi, pensiyalılıq yaşınıñ köterilmesine qarşı umummilliy narazılıqqa keder etmek içün, evelden azırlanğan edi.

Avgustnıñ 29-ında Rusiye prezidenti Vladimir Putin televizion hitabında pensiya yaşını arttırmağa teklif etti - qadınlarğa 60 yaşınace, akimiyet teklif etken 63-kece degil. Amma aqaylarğa kelgende, Putin, Dmitriy Medvedev akimiyetinen razı, olar pensiyağa 65 yaşında çıqmaq kerek. Bundan ğayrı, pensiyağa yaqın yaştaki halqnıñ işten çıqaruv ya da işke almamazlıq meselesi içün memuriy ve cezaiy mesüliyetni belgilemek kerek dep qoştı o.

Daa evel Kreml nezareti altındaki Qırım ve Aqyar akimiyetleri pensiya islâatı aqqında rusiye qanun leyhasına qol tuttı.

Москва: столкновения на митинге против пенсионной реформы (видео)
Bekleñiz, lütfen

No media source currently available

0:00 0:01:56 0:00

XS
SM
MD
LG