Noyabr 4 künü aqşam “Hersones Tavriçeskiy” müzey qoruğında «Sanat gecesi» rusiye aktsiyası keçirildi. Qırım.Aqiqat muhbiri haber etkenine köre, qadimiy müzeyiniñ divarlarında yarıq kösterişini yaptılar, Rusiye İmperatriçesi II Yekaterinanıñ siyaseti aqqında resimler kösterile edi.
Hersonesniñ Bizans azbarında urba kösterişi yapıldı, müzeyniñ sabıq başlığı İrina Antonova aqqında lektsiya oquldı. Darphanede Cenüp rus ressamları Ortaqlığınıñ resimlerini astılar.
Müzey ekspozitsiyalarından tek antik hane bar edi. Qılavuzlıq yapılmadı, kelgenler eksponatlarnı öz başına baqa ediler.
“Sanat gecesi” rusiye aktsiyası 2013 senesi Moskovada ilk sefer keçirildi. 2014 senesinden soñ aktsiyanı işğal etilgen Qırimda da keçirip başladılar.
