Oktabr 24, çarşenbe kününden Qırımda bank kartaları ile trolleybusta yol ücretini tölev imkânı peyda olacaq. Bu hususta “Qırımtrolleybus” şirketinde kecken Aqmescit memuriyetiniñ köçme muşaveresinde, şirketniñ baş müdiri İlya Prokopyev haber etti.
“Endi çarşenbe kününden biz, yol ücretiniñ “Mir”, Visa ve Mastercard kartalarınen naqıtsız ödeşüv imkanını kerçekleştirecekmiz. Halqımız muhtac olğan şaraitni yaratamız”, - dep Prokopyevniñ sözlerinden yaza “Krıminform”.
“Krımtrolleybus”nıñ baş müdiri sözlerinden, kartanen töllengen yol ücreti aynı 14 rubleden ibaret. Ödeşüv, aynı elektron yolcu kartalarınen kibi, temassız keçecek.
Oktâbrniñ 1-inden “Krımtrolleybus” şirketi trolleysbuslarda yol ücreti içün mahsus elektron plastik kartalarnı qabul etip başladı.
