Rusiye nezareti altındaki Qırım naqliyat naziri Yuriy Ovsânnikov, 4 ay çalışqanından soñ istifağa ariza berdi, - dep haber ete “Krıminform” matbuatı.
TASS haber agentligi bildirgenine köre, Ovsânnikov “oz isteginen” işten boşadı. Aynı vaqıtta, nazir, rutbesini 4 aydan bıraqqanınıñ sebeplerini añlatmadı.
2014 senesi başından Yuriy Ovsânnikov, bu rutbeni taşlap ketken memurlardan endi altıncısı oldı. Onı 2018 senesi mayıs 11-inde tayin ettiler.
Daa evel Sergey Aksönov, Aqmescitte yolcu taşımasını teşkil etüv meselesine defalarca şikâyet ete edi. Onıñ aytqanına köre, “nazirlerniñ iç birisi naqliyatnıñ işini keregi seviyede teşkil etip olamadı”.
Martnıñ soñunda, naqliyat, energetika ve mesken-kommunal hocalıq meselelerinen oğraşqan, baş nazirniñ yardımcısı Vladimir Serov istifağa çıqtı.
