“Çonğar” kiriş-çıqış noqtasında Ukraina devlet sıñır hızmetiniñ Berdânsk bölüginiñ sıñırcıları, işğal etilgen Qırımğa ketmege tırışqan qıdırılğan aqaynı yaqaladı.
Müessiseniñ matbuat hızmeti haber etkenine köre, bu adamnı CK 121 maddesiniñ 2 qısmına (“Aselet yapılğan ağır beden yaralaması”) ait olğan cinayette şeklep, Dnipro şeeriniñ qanun qoruyıcılarıqıdırmaqta.
“Ukraina vatandaşını oktâbr 22-sinde qıdırıp başladılar, 23-üne ise o endi vaqtınca işğal etilgen Qırımğa “Çonğar” nezaret punktından ketmege tırıştı. Belgilengen qaidelerge köre, sıñırcılar bunıñ aqqında Milliy poliske haber etken”, - dep aytıla beyanatta.
2014 senesiniñ başında Qırım Rusiye tarafından ilhaq etilgen soñ Ukrainanıñ qıtadaki qısmı ile yarımada arasında şeklen memuriy, lâkin kerçekte aqiqiy olğan sıñır keçti. Herson vilâyetinde Qırım ile memuriy sıñırda üç kiriş/çıqış kontrol noqtası çalışa – «Kalançak», «Çonğar» ve «Çaplınka».
