Rusiye prezidenti Vladimir Putin küzde Rusiye ordusına aluv fermanını imzaladı. Rusiye Federatsiyasınıñ uquqiy malümat resmiy internet portalındaki vesiqağa köre, 120 biñ insan orduğa alınacaq.
Bıltır küzde Rusiye ordusına 127,5 biñ kişi alındı. Bu sene küz askerligi bir ay keç başlanacaq, noyabrniñ 1-nde askerlikke çağırıp başlaycaqlar. Rusiye Baş ştabı askerlikke alınğanlar Ukrayınadaki cenkke yollanılmaycaq, askerlikleri bitken soñ evlerine qaytacaqlar, dep bildirdi.
Sentâbrniñ 21-nde Rusiye prezidenti Vladimir Putin memlekette qısmiy seferberlik ilân etip, buyruq imzaladı. Rusiye akimiyeti 300 insannı seferber etmege niyetlene, dep bildirdi, amma kütleviy haber vastalarınıñ malümatına köre, bu raqam million insandan çoq ola bile. Rusiye prezidenti onı qısmiy dep adlandırdı, lâkin buyruqnıñ açıq qısmında onı sıñırlağan bir şey yoq. Başta yedekte olğan 300 biñ insannı çağıracaqlar, bu Rusiyeniñ seferber ete bilgeniniñ bir fayızı ola.
Rusiyede seferberlik ilân etilgen soñ arbiy komissarlıq ve memuriyet binaları ateşke berile, biñlernen insan narazılıq aktsiyalarına çıqa – olarnı quva, kötekley ve tutalar, daa biñlernen kişi memleketten ketmege tırışa – Rusiyeden uçaq biletleri pek paalılaştı, qara sıñırlarında çoq kilometrli tıqanıqlıqlar peyda oldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
