Rusiye prezidenti Vladimir Putin, Aqyarnıñ (Sevastopol) rusiyeli başı Dmitruy Ovsânnikovnıñ istifağa çıqmasını qabul etti, şeer başı vazifesiniñ vaqtınca Mihail Razvojayev becerecek, dep bildire Putinniñ fermanına atıf etip "İnterfaks" rusiye haber agentligi.
Matbuat yazğanı kibi, Ovsânnik istiğa çıqmağa özü istedi, Aqyar şeer başınıñ vazifesiniñ vaqtınca Mihail Razvojayev becerecek, dep bildirdi Rusiye prezidentiniñ matbuat kâtibi Dmitriy Peskov.
"Prezident öz fermanınen Ovsânnikovnıñ istifasını qabul etti ve gubernator vazifesini vaqtınca becermege Mihail Razvojayevnı tayin etti", - dep yaza media Peskovnıñ sözlerinden.
Şimdilik Kremlniñ ve Aqyarnıñ rusiyeli ükümetiniñ saytlarında bu malümatnıñ tasdıqı yoq. Qırım.Aqiqat tafsilâtnı bilmege tırışa.
Dmitriy Ovşannikov Aqyar gubernatorı olaraq 2017 senesi sentâbr 10-unda "saylavlar"da saylanılğan edi. 2016 senesi iyül 28-inden ve saylanmasına qadar Aqyarnıñ rusiyeli gubernatorı vazifesini vaqtınca becere edi. Bundan evel, 2015-2016 yılları o, Rusiye sanayı ve ticareti naziriniñ muavini edi.
