Qırımda keçken gece, bütün qış gecelerinden eñ suvuğı edi, Seyitler rayonında 15 derecege qadar suvuq oldı. Bu aqta Qırım gidrometmerkeziniñ bölük müdiri Raisa Stepanova bildirdi.
“Ava arareti orta qarar köstergiçlerinden 4-5 derece aşağı tüşti. 10-12 derecege qadar keskin ava suvunması oldı. Gece ava arareti 3-ten 13 derecege qadar oldı, Seyitler rayonında ise 0-dan aşağı 15 derece qayd etildi. Qırım şimalinde 0-ğa qadar edi. Seyitler rayonınıñ sıfırdan aşağı 15 derecesi - bütün qışnıñ eñ alçaq araret köstergiçi”, - dep Stepanovanıñ sözlerinden yaza “Krıminform”.
Onıñ aytqanına köre, suvuq avalar aynıñ soñunace devam etecek, amma ayaz ket-kete eksilecek. Gece sıfırdan aşağı 2-7, kündüz - -2 - +3 derecege qadar beklenile.
“Martnıñ başı aqqında aytmaq daa erte, amma tahmenen aynıñ başında daa suvuq olacaq. Yağanaqlar ola bile”, - dep qayd etti Stepanova.
O qoştı ki, martnıñ 5-lerinden soñ Qırımda ava qızınıp başlaycaq.
Fevral 25-inde bazaertesi künü, deñişici bulutlılıq, buzlavuq ve şiddetli ğarbiy yel beklenile, dep bildire yarımada gidromettsentri.
