"Bazıları alâ daa apishanelerde buluna — İrına Gorobtsova, Valeriya Goldenberg, İrına Danılovıç, Ğalına Dovğopolaya, Nina Malakova, Oksana Senejuk, Anna Suhonosova. Digerleri ise işğalcilerniñ daimiy basqısı altında bulunalar: bazıları tahqiqat altında ya da "sınav müddetinde". Azat etilgenlerniñ bazıları yarımadanı terk etmege mecbur oldılar", — dep bildire temsilcilik.
Müessisede, ukrayin qadınları "azatlıq ve insan aqları içün küreşe", dep qoştılar. "Ukrayinanıñ kelecegi içün. Er kün biz olarnıñ seslerini eşitmek ve tirenüvlerini desteklemek kerekmiz, çünki duşman olarnı susturmağa tırışa", _ dep qayd ettiler temsilcilikte.
2024 senesi boş ayda Qırımtatar Resurs Merkezi Qırımda qadınlarnı siyasiy sebeplerden taqip etüv adiseleri arta, dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
