BMT-niñ insan aqları boyunca mustaqil ekspertlerini, Rusiye koloniyasında tutulğan ukrain rejissör Oleğ Sentsovnıñ sağlıq alı raatsızlay. Olar, Sentsovnı acele boşatmağa rica ete. Bu BMT-niñ rus haberler hızmetiniñ saytında yazıla.
"Sentsovnıñ ayatı telüke astında", – dedi BMT-niñ insan aqları boyunca dört eksperti.
Olar, "Sentosvnıñ mahkeme protsessi halqara uquqnı boza", dep ayttılar.
Uquq qoruyıcılar, mahkemelengenniñ fizikiy ve maneviy alı olarnı raatsızlar, dep qoştılar.
"Biz, onı yaqın vaqıtta boşatmağa Rusiye akimiyetine rica etemiz", – dediler ekspertler.
Ukraina prezidenti Volodımır Zelenskıy ofisinde, Oleğ Sentsovnı "RİA-Novosti-Ukraina" matbuatınıñ tevqif etilgen başı Kirill Vışınskiyge deñiştirmege teklif ettiler.
