Ukrayına Mudafaa naziri Rustem Umerov Portugaliya Mudafaa naziri Gelena Karreyraşnen F-16 qırıcıları içün Ukrayına tehnik ve yardım personalınıñ azırlanmasını muzakere etti.
«Portugaliya milliy mudafaa naziri Gelena Karreyraşnen semereli bir subetimiz oldı. Portugaliyağa Ukrayınağa köstergen yardımları içün minnetdaım. F16 içün Ukrayına tehnik ve yardım personalı ve Portugaliyanıñ celp etilüvini muzakere ettik», – dep yazdı o, X içtimaiy ağında.
Umerov Portugaliya şirketlerini Ukrayına mudafaa sanayısına yatırım yapmağa davet etkenini bildirdi.
Avgust ayında Danimarka F-16 sekiz Ukrayına uçucısını ögretip başladı, dep bildirdi. Yunanistan ve Portugaliya da Ukrayına uçucıları ve müendislerini F-16 uçaqlarında azırlaycaq, dep tasdıqladılar.
Ukrayına cenk alanında Ukrayınanıñ ğarbiy qırıcıları olsa, vaziyet deñişe bile, dep çoq aytqan edi, çünki Rusiyeniñ işğal etilgen topraqlarda «kökte üstünligi bar».
Kyiv ortaqlarından F-16 zemaneviy qırıcılarını almaq içün söz aldı. Al-azırda Ukrayına uçucıları bu uçaqlarda talim keçire. Talimler bitken soñ Ukrayına ğarbiy ortaqlarından bu uçaqlarnı alacaq, dep beklenile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
