Qırımda cumaaqşamı künü yağmur ve furtuna beklenile. Bu aqta Qırım gidrometeomerkezi haber etmekte.
Yarımada gidrometeomerkezi bildirgenine köre, Aqmescitte bazı yerlerde az vaqıt yağğan yağmur, furtuna.. Cenüp-ğarbiy yel 7-12 m/s. Ava arareti gece +7…+9°, kündüz +14…+16°.
Aqyarda saba ve kündüz yengil yağmur. Ğarbiy yel 6-11 m/s. Ava arareti gece +10…+12°, kündüz +14…+16°.
Qırım cenübinde qısqa vaqıt yağğan yağmur, bazı yerde furtuna. Kimer yerde tuman. Cenüp-şarqiy yel 7-12 m/s. Ava arareti gece +8…+10°, kündüz +17…+19°.
Keriçte qısqa vaqıt yağğan yağmur. Şimaliy yel 3-8 m/s. Ava arareti gece +8…+10°, kündüz +16…+18°.
