AQŞ ava şirketleri, koronavirus hastalıqları sebebinden aluv talabı olmağanı icün, New Yorkqa uçuşlarnıñ sayısını azlaştıra, haber ete Azatlıq Radiosı.
Aprelniñ 9-ından mayıs 6-sınace New Yorkta JFK ve LaGuardia ava limanlarından umumen sadece 13 uçuş olacaq. 2019 senesi aprel ayında bu ava limanlarında 271 uçuş bar edi.
Koronavirus infektsiyasından New York eñ çoq zarar kördi, şimdi şeerde 123 biñ tasdıqlanğan infektsiya adisesi ve 4160 ölü.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
