Rusiye ordusınıñ Mıkolayiv vilâyet devlet memuriyeti banasınıñ ateşke tutması neticesinde elâk olğanlarnıñ sayısı 16-ğa yetti. Bunı saba martnıñ 31-nde Ukrayina Fevqulâde vaziyetler devlet hızmetiniñ matbuat hızmeti haber etti.
Qayd etkenleri kibi, qurtarıcı işler bütün gece devam etti.
"Martnıñ 31 biri saba saat 07:00 itibarınen 16 adam öldi (qurtarıcılar dağıntılar tübünde 15 ceset taptı bir kişi hastahanede öldi", - dep yazıla bildirmede.
Российская ракета пробила 9 этажей Николаевской ОГА
Al-azırda qaza yerinde 47 qurtarıcı çalışa.
Martnıñ 29-nda saba saat 08:45 Mıkolayivde Mıkolayiv Vilâyet devlet memuriyetiniñ doquz qatlı binasınıñ ateşke tutulması neticesinde onıñ doquzıncı qattan birinci qatqa qadar merkeziy qısmı dağıldı.Şu künü 12 adam ölgeni ve 33 yaralanğanı aqqında haber etilgen edi.
Ukrayinağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.
Mesken rayonlarğa top, çoqlu ateş sistemaları ve ballistik raketalar vastasınen ateş açıla. Rusiye ordusınıñ zırhlı tehnikası Kıyiv ve Rusiye sıñırına yaqın bir qaç vilâyet merkezini sarıp almağa tırışa.
Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3enufiq6nhnir.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
