«2024 senesi martnıñ 7-nde İsveçiya Qarrıllığınıñ qoşuluvına dair Şimaliy atlantik añlaşmanıñ II Protokolınıñ maddesinde şartlar yerine ketirildi. Böylece, Protokol 2024 senesi martnıñ 7-nde işke tüşürildi», – dep aytıla beyanatta.
İsveçiya baş naziri Ulf Kristersson martnıñ 7-nde Washingtonda iş ziyaretinen buluna.
Daa evel berilgen malümatqa köre, bugün ABD devlet kâtibi Antony Blinken NATOnıñ bütün azalarınıñ razılığını almaq içün aylarnen devam etken küreşten soñ tasdıq vesiqalarını almaq kerek.
Rusiyeniñ Ukrayınağa qarşı büyük cenki başlağan soñ İsveçiya Finlândiyanen beraber on yıllarnen riayet etken arbiy bitaraflıq siyasetinden vazgeçti. Finlândiya 2023 senesi aprel ayında ittifaqqa teşkilâtnıñ 31-inci azası olaraq qabul etildi.
Yañı memleketlerni qabul etmek içün NATOnıñ bütün azaları razılıq bermeli, İsveçiyanıñ arizasını uzun vaqıt devamında Türkiye ve Macaristan qabul etmey ediler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
