Avgustnıñ 30-nda Moskovada “Strategiya-30” rusiye teşebbüsiniñ iştirakçileri “Siyasiy mabüsler künü” eraylıq aktsiyasını keçirdi. Faalciler Tverskaya soqağında Qırım siyasiy mabüsleriniñ adlarınen plakatlarnı açtı.
“Piketler vaqtında körgenimiz kibi - Moskova sakinleri tek Oleg Sentsovnıñ adını bile. Amma, adet üzre, olarğa onıñ aqqında tek “bir şey patlatqanı” belli. Qırımtatarlar aqqında, olar “daima satqın olğanlar”ını bileler. “Ya kimni olar sattı, tovarişç Stalin ve onıñ yaqınlarını degilmi, aceba?”, - dep sorasañ, olar telâşlana, açuvlana, ve bu vaziyette eñ yahşısı - piket yerini deñiştirmek, çünki mıtlaqa polisni çağırtırlar”, - dep Qırım.Aqiqatnen paylaştı piket iştirakçisi Vera Lavreşina.
Rusiye oppozitsiya faalcileri “Strategiya-30” aktsiyasınıñ pir qısmı olaraq “Siyasiy mabüsler künü”ni er aynıñ 30-ına keçire. Olar siyasiy mabüslerniñ azat etmesi, Ukrainağa qarşı Rusiye tecavuzını toqtatması, Qırımnı işğalden boşatması talabınen barışıqlı aktsiya ve piketlerni keçire.
Evelleri faalciler rusiye apishanesinde açlıq tutqan ukrain rejissörı Oleg Sentsov ve başqa ukrain siyasiy mabüslerine qoltutuvnı bildirdi.
