Link açıqlığı

Saatnıñ esas haberi

Moskalkova, ukrain türmelerinde olğan 36 rusiyeliniñ taqdirini közete, amma almaşuv tarihini daa aydınlatmay


Tatyana Moskalkova
Tatyana Moskalkova

Rusiye ombudsmeni Tatyana Moskalkova, ukrain SİZO ve türmelerinde olğan 36 rusiyeliniñ taqdirini közetkenini haber etti, amma almaşuv cedvellerini başqa organlar tize ve tarihlerni daa aytıp olamay, dep qoştı. Bunı "İnterfaks" rusiye haber agentligi bildire.

"Maña özü ya da soyları vastasınen muracaat etken şimdilik 36 adam bar, olarğa ayrıca diqqat etem. Ukraina Yuqarı Radasınıñ insan aqları vekâletlisi Lüdmila Denisovağa, olarnıñ sağlıq alını közetsin, dep muracaat etem", - dedi o.

Daa evel Ukraina tış işler naziri Vadım Prıstayko, Radio Svobodağa intervyü bergende, Ukraina ve Rusiye arasında almaşuv muzakereleri soñki basamaqtadır, dep bildirdi.

Ukraina prezidenti Volodımır Zelenskıy, Ukraina, Rusiye, Frenkistan ve Almaniya liderleri «norman formatında» körüşken soñ Ukraina ve Rusiye arasında yañı mabüs deñişiminiñ künü belli olacağında emin olğanını, oktâbr 9-ında Qırım.Aqiqartqa ayttı.

Oktâbrniñ 1-nde olğan brifingde prezident Volodımır Zelenskıy, Minskteki Üç taraflı bağ gruppasınıñ toplaşuvında ukrainalı mabüslerniñ azat etilüviniñ ekinci basamağı muzakere etildi, dep bildirdi.

XS
SM
MD
LG