Link açıqlığı

Saatnıñ esas haberi

Ukrayına Mudafaa nazirligi Qırım ne vaqıt azat etilecegini ve cenk ne vaqıt bitecegini tahmin etti


Ukrayına Silâlı quvetleri Rusiye işğal etken Qırımnı qış başında azat etip olur, dep bildirdi Ukrayına Mudafaa naziriniñ muavini Volodımır Ğavrılov Sky News neşirine bergen intervyüsında.

Ğavrılov, Ukrayına Silâlı quvetleri bu yıl dekabrniñ soñuna qadar Qırımnı kontrol altına alır, dep qayd etti.

Ukrayına Mudafaa naziriniñ muavini Kreml ile barışıq muzakerelerini izaatlap, Rusiye Ukrayınanı, şu cümleden Qırım ve memleketniñ şarqını bütünley terk etken soñ muzakere ola bile, dep bildirdi.

«Ukrayına cemiyetiniñ qararı bar, soñunace ketemiz. Masadaki stsenariy müim degil. İnsanlar qan tkti, endi irişkenlerimiz içün ğayret kösterdiler, er kes bile ki, sozuluv ya da buzlatılğan zıddiyet – Ukrayınanıñ millet olaraq bar olmasına qarşı bu cenkniñ devamıdır», – dedi Ğavrılov.

Noyabrniñ 11-nde Mudafaa nazirligi Herson Ukrayına ordusınıñ kontroli altına qayta, dep bildirdi. Şeerniñ merkezinde Ukrayına bayrağı köterildi.

Rusiye Mudafaa nazirligi o künü Rusiye arbiyleri Dnipronıñ sağ tarafından çıqarıldı, dep bildirdi.

Noyabrniñ 17-nde Ukrayına Baş ştabı Ukrayına Silâlı quvetleri işğal etilgen Qırım yaqınlarında ateş kontrolini pekitti, dep bildirdi.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG