Melitopol şeer yolbaşçısı İvan Fedorov Zaporijjâ vilâyetiniñ işğal etilgen Boğatır köyünde patlavlar oldı, dep bildirdi. Onıñ aytqanına köre, anda Rusiye tehnikası ve arbiyleri ketirilgen edi.
«Şimdi: işğalciler arbiy tehnikasınıñ ve askerleriniñ bir qısmını ketirgen Moloçnıy liman rayonında Boğatır qasabasında 5 patlav oldı. Saba Radivonovka, şimdi Boğatır – künde ekinci kere arbiylerniñ cenübiy-ğarbiy yönelişinde raşistsiz. Duşmannıñ ğayıpları aqqında malümat toplaymız», – dep yazdı o, Telegram kanalında.
İvan Fedorov sentâbrniñ 17-ne keçer gecesi Zaporijjâ vilâyetiniñ Moloçnıy liman rayonında Rusiye arbiy bazası yandı, dep haber etti.
Mustaqil menbalar bu malümatnı tasdıqlamadı.
Sentâbrniñ 13-nde Melitopol şeer yolbaşçısı Melitopol arbiy uçaq alanı rayonında «üç küçlü patlav» aqqında bildirgen edi, «anda işğalciler arbiy bazalarından birini muvafaqiyetsiz pekittiler».
Bu ay başında Fedorov Ukrayına Silâlı quvetleri Melitopoldeki ava limanı yanında Rusiye silâ anbarına darbe endirdi, bir qaç saat detonatsiya devam etti.
Keçken afta Melitopol şeer yolbaşçısı qayd etkenine köre, Rusiye ordusı işğal etken şeerden eñ az 70 biñ insan ketti – sakinlerniñ yarısı. Fedorov soñki bir buçuq ayda şeerde tirenüv areketi quvetleşe, dep bildirdi.
Melitopol fevralniñ 25-nden berli Rusiye ordusınıñ kontroli altında buluna.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
