Ukrayına Silâlı quvetleri Melitopoldeki ava limanı yanında Rusiyeniñ silâ anbarına darbe endirdi, detonatsiya bir qaç saat devam etti. Bu aqta şeer yolbaşçısı İvan Fedorov bildirdi.
«İlk malümatqa köre, birden eki duşman noqtasına ücüm etildi. Birincisi – arbiy uçaq alanındaki silâ anbarı, işğalciler onı kene ğayrıdan tiklemege tırışa. Tam oldı, bir qaç saat detonatsiya oldı», – dep yazdı o, Telegramda.
Onıñ aytqanına köre, diger malümat teşkerile.
«Yug» operativ komandanlığı sentâbrniñ 1-nde Baştan, Berislav ve Herson rayonlarındaki beş Rusiye silâ anbarı yoq etildi, dep bildirdi.
Melitopol fevralniñ 25-nden berli Rusiye Federatsiyasınıñ kontroli altında buluna.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
