Qırımtatar Milliy Meclisi noyabr 12-sinde 6-ncı Qurultaynıñ delegatlarını konferentsiyağa çağırta. Bunıñ aqqında qırimtatarlarnıñ timsaliy organınıñ reisi Refat Çubarov haber etmekte.
Favebookta derc etilgen qararğa köre, delegatlar, Qırımdaki vaziyetni, işğal şartlarında yerli özidare organlarınıñ vazifeleri muzakere etilecek, bundan ğayrı, 6-ncı Qırımtatar Milliy Qurultaynıñ 2-nci nevbetten tış sessiyasınıñ(Bağçasaray, 29 mart 2014 s.) "Qırımtatar halqınıñ öz tarihiy toprağında - Qırımda, öz taqdirini belgilev aqqınıñ ömürge keçirilmesi" aqqında Qararnıñ yerine ketirilüvi muzakere etilecek.
Birinci Qırımtatar Milliy Qurultayı 1917 senesi noyabr ayında saylanğan edi. 1917 senesi dekabrniñ 9-ndan 26-na qadar esas qırımtatar qanunlarını qabul etken milliy tesis toplaşuvı olaraq çalışqan edi.
1991 senesi Qırımtatar Milliy Qurultayı faaliyetini yañıdan başlattı. Ukrainada qırımtatarlarnıñ yuqarı temsil organı olaraq tanıldı. Qırım işğalinden soñ Rusiye onıñ faaliyetini yasaq etti.
