Al-azırda o, Çuvaşiya Cumhuriyetinde (Rusiye) Tsivilsk şeeriniñ 9-nci tüzetüv cezahanesinde buluna. Onıñ qadını Elmira Abdurahmanovanıñ bildirgenine köre, bunıñ sebebi belli degil.
Qırım sakini qorantasına memuriyetniñ qararı aqqında telefon vastasınen aytıp berdi, oña bir kere telefon etmege izin bergenler.
Onıñ aytqanına köre, Mecit Abdurahmanovnı tüzetüv koloniyasına ketirgende memuriyet onı karantinge yerleştirgen. Bundan soñ, siyasiy mabüsni 15 künge SİZO-ğa yollağanlar, soñra daa yarım ay qoşqanlar. Ceza izolâtorında bulunğan soñ, Mecit Abdurahmanovnı kameralı odağa yollağanlar.
"Kameralı odada yarım yıl tutulacaq, dep ayttı, amma ne içün tutulacağı belli degil. Şimdilik onıñnen bağ yoq ve başqa bir şey bilmeyim", — dep tarif etti Elmira Abdurahmanova.
2019 senesi martnıñ 27-nde Qırımda FSB, Rusiye İç işler nazirligi ve Rosgvardiya hadimleri qırımtatar faalleriniñ, şu cümleden "Qırım birdemligi" cemaat birleşmesiniñ vekilleriniñ evlerinde tintüvler keçirdiler. 2019 senesi martnıñ 27 ve 28-nde Aqmescitniñ Rusiye rayon mahkemesi bütün tutulğanlarnı apiske aldı. Yazda bu dava boyunca yaqalanğanlarnıñ sayısı 25 insanğa arttı.
25 qırımtatar cemaat faali — Ruslan Suleymanov, Alim Karimov, Rustem Şeyhaliyev, Mecit Abdurahmanov, Yaşar Müedinov, Bilâl Adilov, Cemil Gafarov, Riza İzetov, İzet Abdullayev, Asan Yanikov, Şaban Ümerov, Tofik Abdülgaziyev, Seytveli Seytabdiyev, Rustem Seythalilov, Akim Bekirov, Farhod Bazarov, Servet Gaziyev, Seyran Murtaza, Erfan Osmanov, Osman Arifmetov, Remzi Bekirov, Eskender Suleymanov, Enver Ametov, Vlâden Abdulkadırov ve Raim Ayvazov — Rusiyede teroristik olaraq tanılğan, amma bir çoq memleketniñ qanunlarında sıñırlanmağan islâm siyasiy partiyası "Hizb ut-Tahrir" ile alâqası olğanında qabaatlanalar.
"Memorial" aq qorçalayıcı merkezi 2019 senesi martnıñ 27-nde Qırımda Rusiye quvetçileri tarafından tutulğan 24 qırımtatar faalini siyasiy mabüs olaraq tanıdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
