Azaq deñiziniñ yalısında Şçölkino şeeri yanında raatlanıcılar balaban Kökağızlı (Rhizostomeae) cılavuqlarnı taptı. Qırım.Aqiqat mühbiri bildirgeni kibi, suvda bir kvadrat metrlik mıntaqada bir-eki cılavuq yalday.
Qalğan cılavuqlarğa köre, kökağızlılar balabanca, sıqça ve qıcıtqan yaqqan kibi tenni yaqa.
Keçken yıl Keriç köpründen 50 kilometr mesafede kökağızlı cılavuqlar peyda olğan edi.
Kökağızlı cılavuq (rus. kornerot) - Qara ve Aq deñizlerniñ eñ balaban cılavuğı. Cılavuq Kökağızlılar türkümine ait, diametri 50-60 santimetr qadar ve çekisi 10 kilogrammğa qadar ola bile.
