Link açıqlığı

Saatnıñ esas haberi

Kyivde Qırımtatar Milliy Qurultayınıñ delegatları konferentsiyası keçe (+foto)


Qırımtatar Milliy Qurultayı konferentsiyası. Kyiv, 2018 senesi, noyabr 12
Qırımtatar Milliy Qurultayı konferentsiyası. Kyiv, 2018 senesi, noyabr 12

Kyivde VI çağırılış Qırımtatar Milliy Qurultayınıñ delegatları konferentsiyası keçe. Tedbirge 200-ge qadar delegat keldi dep haber ete Qırım.Aqiqat mühbiri.

Qırımtatar Milliy Meclis reisi, Ukraina halq mebusı Refat Çubarov bildirgenine köre, konferentsiya çerçivesinde Qurultay delegatları müim qararlarnı qabul etecek, lâkin tafsilâtnı açıqlamadı.

“Delegatlarnıñ çoqusı belli sebeplerge köre kelip olamadı. Bugün biz, er delegat, ne yerde bulunğanına baqmadan öz fikrini bildire bilsin dep imkânlar qıdıracaqmız”, - dedi Çubarov.

Конференция Курултая крымскотатарского народа. Киев, 12 ноября 2018 года
Конференция Курултая крымскотатарского народа. Киев, 12 ноября 2018 года

Reis muavini Nariman Celâl, konferentsiya devamında kelecekte Qurultay ne tarzda çalışacağı aqqında qarar almaq niyetleri aqqında bildirdi.

“Şimdiki delegatlarnıñ salâhiyeti oktâbrniñ soñunda bitti, ileride ne yapacağımıznı tüşünmek kerek. Meseleni çezmek içün teklif etilgen bir qarar bar, oña binaen añlaşmalar da bar. Bugünki tedbirniñ çerçivesinde bu qararnı resmiyleştirmek kerek. Bundan ğayrı, şimdiki vaziyetke baqmadan Qurultay bar olğanını ve onıñ delegatları areket etkenini köstermek kerek”, - dep qayd etti Celâl.

Delegatlar, qırımtatar halqınıñ lideri Mustafa Cemilevni alğışlar ile qarşıladı.

Qurultay konferentsiyasını Qırımtatar milliy Meclis reisi Refat Çubarov açtı. Konferentsiyanıñ iş qısmından evel devlet ve qırımtatar gimnleri yañğıradı dep haber ete Qırım.Aqiqat mühbiri.

Birinci Qırımtatar Milliy Qurultayı 1917 senesi noyabr ayında saylanğan edi. 1917 senesi dekabrniñ 9-ndan 26-na qadar esas qırımtatar qanunlarını qabul etken milliy tesis toplaşuvı olaraq çalışqan edi.

1991 senesi Qırımtatar Milliy Qurultayı faaliyetini yañıdan başlattı. Ukrainada qırımtatarlarnıñ yuqarı temsil organı olaraq tanıldı. Qırım işğalinden soñ Rusiye onıñ faaliyetini yasaq etti.

XS
SM
MD
LG