Oktâbr 1-inde Kyivde ukrain uquq qoruyıcısı, publitsist, alim Miroslav Marinoviç “Qırım ilhaqı ve Şarqnıñ işğali yañı Ukrainanıñ stimulâtorları olaraq” mevzulı açıq lektsiyasınen çıqışta bulunacaq. Lektsiya “Qırım evinde” Qırım.Aqiqat Radiosı yayınlavınıñ üç yıllığına bağışlanıp keçirilecek.
Tedbir çerçivesinde Qırım.Aqiqat Radiosınıñ qısqadan taqdim etilecek, zemaneviy Qırım ve onıñ kelecegi aqqında muzakere ötkerilecek.
Merasimge halq mebusı, Milliy Meclis reisi Refat Çubarov, Meclis reisiniñ muavinleri İlmi Ümerov ve Ahtem Çiygoz davet etildi.
Miroslav Marinoviç - ukrain uquq qoruyıcısı, siyasetşınas, dinşınas, Ukrain Helsinki taqımınıñ temelci ve azısı, Lvivdeki Ukrain katolik universitetiniñ rektor muavini.
Qırım.Aqiqat - eñ belli Qırım haber platformalarından birisi, Azatlıq Radiosınıñ ukrain hızmetiniñ leyhası. Leyhanınıñ terkibine ukrain, qırımtatar ve rus tillerinde saytlar, gece-kündüz yayınlağan radio, eki televizion yayınınıñ işlep çıqarılması ve bütün esas içtimaiy ağlarda bulunması kire. Qırım.Aqiqat taqımı qırımlılarğa kerçek malümatnı bere ve zemaneviy Qırım nasıl yaşağanını tasvirley.
Azatlıq Radiosı ve Ukrain radiosınıñ Birinci kanalınıñ leyhası - Qırım.Aqiqat Radiosı, 2015 senesi sentâbr 21-inde ilk radio yayınını keçirdi.
Qırım.Aqiqat Radiosını Şimaliy Qırımda FM diapazonınıñ 105,9 MHz sıqlığında, bundan ğayrı Qırım.Aqiqat saytında künde 24 saat devamnıda diñlemege mümkün. Ukrain radiosınıñ orta AM dalğalarında 549 kHz sıqlığında bazarertesi kününden cuma kününece saat 7:35 - 8:00, 12:10 - 12:40; cumaertesi künü 17:30 - 18:00-ğace Qırım.Aqiqat yayınlarını diñlemek mümkün.
