Fevzi Mamutov, dekabr 15-te keçken yunan-roma küreşi boyunca Almaniya (Germaniya) klub çempionatında, KSV Wietten klubı terkibinde Bundesliga çempionı unvanını qazandı ve yunan-roma küreşinde Almaniya çempion oldı.
Bu aqta Qırım.Aqiqat muhbiri haber etmekte.
Fevziniñ raqibi, Koln Mullhaim klubını taqdim etken Azerbaycan sportçusı Şahan Nazarov edi.
“Küreşten soñ özümi yahşı duyam. Esası, yaralanmadım. Raqibim, öz sportqa pek uymağan areketlerinen, tutuşuvnı tezce bitirmege fırsat berdi. Men, evelleri Kubadan Olimp çempionını ve başqa meraqlı küreşçilerni yeñmege yardım etken öz şahsiy küreş usulımnı qullandım. Bu usulnıñ adı yoq, men onı özüm uydurdım”, - dep ikâye etti Mamutov.
Sportçunıñ aytqanına köre, dekabr 15-te KSV Wiettennemse klubınıñ Almaniya çempionatında 63 yıl içinde ilk sefer ğalebe qazandı.
“Bu tarihiy vaqia edi. Seyirciler atta turdı, kimerleri ağlay edi. Taqım ilk sefer ğalebe qazandı”, - dep ayttı o.
Fevzi Mamutovnıñ aytqanına köre, Yañı yıldan soñ o Tokioda keçecek yaz Olimpiadası-2020 yarışına azırlıq körecek.
“Endiden bütünley Ukraina taqımına ve Olimpiadağa azırlıqqa diqqat ayıracam. Ebet, men endi ğalebege azırlanam”, - öz niyetlerinen paylaştı küreşçi.
Bu yıl iyül ayında Fevzi Mamutov “İspaniya Gran-Prisi” halqara turniriniñ ğalibi oldı. Soñki küreşte o doğma ermeni olğan frenk sportçusı Hrâç Malhasânnı yeñdi.
