İşğal etilgen Qırımda mektep talebeleriniñ telefonlarında "telükeli qullanımlar" , şu cümleden YouTube ve VPN-hızmetleri barmı-yoqmı teşkerile. İlk mecburiy teşkerüvler Aqmescitniñ bir qaç mektebinde başlandı, dep bildire "Sarı şerit".
Qayd etilgenine köre, Rusiye memuriyeti bunı "ana-babalar öz balalarını nezaret etmey" dep añlata..
"Bu şeerniñ bütün mekteplerinde yapılacaqmı yoqsa bu tasil saasındaki eñ faal işbirlikçileriniñ deñev leyhasımı añlamaymız", — dep qayd ettiler areketniñ koordinatorları.
Faaller yarımadanıñ diger mekteplerinde böyle vaziyetke oğrağan sakinlerni areketke haber etmege çağıralar.
Bundan evel "Sarı şerit" areketi, Rusiye blokpostlarında quvetçiler Herson vilâyetiniñ işğal etilgen topraqlarından işğal etilgen Qırımğa barğan insanlardan smartfonlarına Max Rusiye messenceriniñ qurulmasını talap eteler, dep yazğan edi.