İşğal etilgen Qırımda siyasiy taqip qurbanlarınıñ ükümleriniñ umumiy müddeti 1137 yıl ve 2 ay oldı. Bunı QırımSOS aq qoruyıcı teşkilâtınıñ talilcisi Yevgen Yaroşenko haber etti.
"Avgustnıñ 19-nda Noman Çelebicihan adına qırımtatar batalyonında iştirak etkeninde qabaatlanğa daa eki qırımtatarğa üküm çıqarıldı. Artıq qırımlı siyasiy mabüslerniñ umumiy üküm müddeti 1137 yıl ve 2 aydır", - dedi Yaroşenko.
QırımSOS aq qoruyıcı teşkilâtınıñ malümatına köre, Rusiyeniñ Ukrayinağa qarşı keniş mıqyaslı istilâsı başlağandan berli Rusiye quvetçileri "Noman Çelebicihan adına qırımtatar batalyonı"nda iştirak etüv qabaatı ile eñ azı 10 adam yaqaladı. 2022 senesi iyünniñ 1-nde Evel, Rusiyeniñ Yuqarı mahkemesi "terrorcı" ilân etip, "Noman Çelebicihan adına qırımtatar göñülli batalyonını" Rusiye Fedartsiyası terrortiyasında yasaq etti.
Bundan evel işğal etilgen Qırımda "qırımtatar batalyonı"nıñ azası olmaqta qabaatlı tanılğan qırımtatarlarğa qarşı bir qaç qabaatlav qararı çıqarıldı.
Ukrayina qanun qoruyıcı organlarınıñ terkibinde "qırımtatar batalyonı"nıñ yaratılması aqqında muzakereler 2016 senesinden berli ketmekte.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz
