Link açıqlığı

Saatnıñ esas haberi

Qırımdaki tahqiqat tevqifhanesi qarardan ziyade tolu – Rusiye akimiyeti


Aqmescit SİZO
Aqmescit SİZO

Aqmescitteki Tahqiqat tevqifhanesi (SİZO) qarardan ziyade tolu. Bunı mayısnıñ 19-nda Rusiye FSİN reberi İgor Vedinâpin bildirdi.

"Mayısnıñ 1-nde olğan malümatqa köre, 203 SİZO-dan 50-si qarardan ziyade tolu. Eñ qıyın vaziyet Qırım Cumhuriyetinde, Voronej vilâyetinde, Amursk, Krasnodar, Stavropol ülkelerinde, Kareliya Cumhuriyetinde, Moskva şeerinde, Moskva vilâyetinde ve Tataristan Cumhuriyetinde", - "Vlasti Krım" neşri Vedinâpinniñ aytqanlarından alıntı ketire.

Ukrayina akimiyeti ve aq qoruyıcılar, Rusiye arbiyleri işğal etilgen topraqlarda ukrayinlerni qaçırıp, Aqmescit tahqiqat tevqif hanelerine ketirgenlerini bildireler.

Mayısnıñ 16-nda Qırımtatar resurs merkeziniñ başı Eskender Bariyev, 118 faal, jurnalist ve ukrayin akimiyetiniñ temsilcisi Rusiye işğal etken Ukrayina topraqlarından qaçırğanını ve Aqmescit SİZO-sınıñ gizli blokunda tutulğanını haber etti.

Ukrayin prezidentiniñ Qırım MC-deki temsilcisi Tamila Taşevanıñ malümatına köre, Aqmescit SİZO-sınıñ bloklarından biri Ukrayina qıtasından mecburiy işğa etilgen Qırımğa çıqarıdğan ukrayin arbiyleri ve vatandaşları içün ayırılğan.

Ukrayinağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.

Aprelniñ başında Moskva Ukrayina şimalinde faal olğanını toqtattı, dep bildirdi. Tezden Ukrayina akimiyeti Kıyiv, Çerniğiv ve Sumı vilâyetinde Rusiye arbiyleri qalmadı, dep ayttı.

Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.

Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG