Aqmescitte ukrayınca risaleler peyda oldı, anda 24.08.2022 tarihinen «Qırım azır, qırımlılar bekley» dep yazılğan, dep bildire Qırım.Aqiqat mühbiri.
Risale Aqmescitniñ Kiyv rayonındaki çoq qatlı binalardan birinde qayd etildi. Böyle risaleler Qırımnıñ diger şeerlerinde barmı haber etilmey.
Berilgen malümatqa köre, «Jeltaya Lenta» Ukrayına vatandaş tirenüvi areketi Aqmescit ve Aluştada Qırımnıñ Rusiye yolbaşçısı Sergey Aksenovnı tutuv içün mukâfat ilânı ile risalelerni tarqattı.
Rusiye fevralniñ 24-nde Ukrayınağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayınadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayınanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayınanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
